• Myanmar Mission To UN

Statement by Ambassador Kyaw Moe Tun on Agenda Item 68 at 3C of 77th UNGA




Statement by Ambassador Kyaw Moe Tun, Permanent Representative of the Republic of the Union of Myanmar to the United Nations, on Agenda item 68: Promotion and Protection of Human Rights at the Interactive Dialogue with Special Rapporteur on Human Rights of Internally Displaced Persons at the Third Committee of the 77th session of UN General Assembly, held on 17 October 2022


[Below Myanmar Text]


သတင်းအဖြစ်ထုတ်ပြန်ချက်


(၇၇) ကြိမ်မြောက် ကုလသမဂ္ဂအထွေထွေညီလာခံ၏ တတိယကော်မတီတွင်

ပြည်တွင်းနေရပ်စွန့်ခွာသူများ၏ လူ့အခွင့်အရေးဆိုင်ရာ အထူးအစီရင်ခံစာတင်သွင်းသူနှင့် အပြန်အလှန် ဆွေးနွေးမှုအစီအစဉ်၌ တရားမဝင်စစ်အာဏာသိမ်းမှုနှင့် စစ်တပ်၏ လူမဆန်သောလုပ်ရပ်များကြောင့် နောက်ဆက်တွဲအကျိုးဆက်အနေဖြင့် ပြည်တွင်းနေရာအနှံ့အပြားတွင် ပြည်တွင်းနေရပ်စွန့်ခွာသူ အမြောက်အများ ဖြစ်ပေါ်လာစေကြောင်း ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း က ပြောကြား


(နယူးယောက်မြို့၊ ၂၀၂၂ ခုနှစ်၊ အောက်တိုဘာလ ၁၇ ရက်)


၁။ (၇၇) ကြိမ်မြောက် ကုလသမဂ္ဂအထွေထွေညီလာခံ၊ တတိယကော်မတီတွင် လူ့အခွင့်အရေးမြှင့်တင် ကာကွယ်ရေးဘာသာရပ်အောက်၌ ပြည်တွင်းနေရပ်စွန့်ခွာသူများ၏ လူ့အခွင့်အရေးဆိုင်ရာ အထူး အစီရင်ခံစာတင်သွင်းသူနှင့် အပြန်အလှန်ဆွေးနွေးမှုအစီအစဉ်ကို ၁၇-၁၀-၂၀၂၂ ရက်နေ့၊ နံနက်ပိုင်းတွင် ကျင်းပပြုလုပ်ခဲ့ရာ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းမှ ပါဝင်ဆွေးနွေးခဲ့ပါသည်။


၂။ သံအမတ်ကြီး ဦးကျော်မိုးထွန်း၏ ဆွေးနွေးပြောကြားမှုတွင် အောက်ဖော်ပြပါ အဓိကအချက်များ ပါဝင်ပါသည်-


(က) ပြည်တွင်းနေရပ်စွန့်ခွာသူများ ပြဿနာအား အဓိကဖြစ်ပေါ်စေသည့် အကြောင်းရင်းခံများကို ဖြေရှင်း နိုင်ရန်အတွက် နည်းလမ်းများရှာဖွေရန် အထူးလိုအပ်သည်ဟု ထင်မြင်ကြောင်း၊


(ခ) မြန်မာနိုင်ငံတွင် ၂၀၂၁ ခုနှစ်၊ ဖေဖော်ဝါရီလအတွင်း၌ ဖြစ်ပေါ်ခဲ့သည့် တရားမဝင်စစ်အာဏာသိမ်းမှု နှင့် စစ်တပ်၏ လူမဆန်သောလုပ်ရပ်များကြောင့် နောက်ဆက်တွဲအကျိုးဆက်အနေဖြင့် ပြည်တွင်းနေရာ အနှံ့အပြားတွင် ပြည်တွင်းနေရပ်စွန့်ခွာသူ အမြောက်အများ ဖြစ်ပေါ်လာစေကြောင်း၊


(ဂ) ကုလသမဂ္ဂမှ ထုတ်ပြန်ထားသည့် ကိန်းဂဏန်းများအရ ရိုဟင်ဂျာ (၃) သိန်းကျော် အပါအဝင် ပြည်တွင်းနေရပ်စွန့်ခွာသူ ၁.၃ သန်းကျော်ရှိကြောင်း၊ လွန်ခဲ့သော လပေါင်း (၂၀) အတွင်းတွင်ပင် ပြည်တွင်း နေရပ်စွန့်ခွာသူ (၉၈၆,၅၀၀) ဦးကျော်ရှိပြီး ဤစာရင်းတွင် အမျိုးသမီးများနှင့် ကလေးငယ်များစွာလည်း ပါဝင်ကြောင်း၊ ၎င်းတို့အား ပြည်တွင်းနေရပ် စွန့်ခွာသူများဖြစ်စေရန်အတွက် ရည်ရွယ်ချက်ရှိရှိ ပစ်မှတ်ထားနေကြောင်း၊ ၎င်းတို့သည် အလွန်ထိခိုက်လွယ်သည့် အခြေအနေတွင်ရှိကြောင်း၊ အထူးသဖြင့် အဆိုပါပြည်တွင်းနေရပ်စွန့်ခွာနေရသူအမျိုးသမီးနှင့် ကလေးငယ်များအနေဖြင့် စားနပ်ရိက္ခာနှင့် အာဟာရ မပြည့်ဝမှု၊ မသန့်ရှင်းမှုနှင့် ခိုလှုံရန်နေရာများ စသည့်အခက်အခဲများစွာကို ရင်ဆိုင်နေရကြောင်း၊ ထို့ပြင် အဆိုပါအမျိုးသမီးနှင့် ကလေးငယ်များအနေဖြင့် စစ်တပ်မှ ၎င်းတို့၏ အခြေခံအခွင့်အရေးများကို မကြာခဏထိပါးချိုးဖောက်ခြင်းကို ခံနေရကြောင်း၊


(ဃ) အကယ်၍ အဆိုပါအခြေအနေအား ထိရောက်စွာ အရေးယူကိုင်တွယ်ဆောင်ရွက်ခြင်း မရှိပါက ပြည်တွင်းနေရပ်စွန့်သူ အမျိုးသမီးများနှင့် ကလေးငယ်များသည် လူကုန်ကူးမှု၏ အဓိကသားကောင်များ ဖြစ်လာမည့် ဘေးအန္တရာယ်နှင့် ရင်ဆိုင်ရနိုင်ခြေရှိကြောင်း၊ သို့ဖြစ်ရာ အမှန်တကယ်လိုအပ်နေသူများထံ လူသားချင်းစာနာထောက်ထားမှုများ ပေးအပ်နိုင်ရေးကိစ္စသည် လက်ရှိအခြေအနေတွင် မိမိတို့ အရေးတကြီး ရင်ဆိုင်နေရသည့် စိန်ခေါ်မှုတစ်ရပ်ဖြစ်ကြောင်း၊


(င) ဤနေရာတွင် အထူးအစီရင်ခံစာတင်သွင်းသူအပါအဝင် နိုင်ငံတကာအသိုက်အဝန်းနှင့် ကုလသမဂ္ဂ တို့မှ ထုတ်ပြန်ချက်များ ထုတ်ပေးသည့်အပေါ် မိမိတို့အနေဖြင့် ကျေးဇူးတင်ရှိပါကြောင်း၊ သို့သော်လည်း ယခုကဲ့သို့ ပျက်စီးယို့ယွင်းလျက်ရှိသည့် အခြေအနေအတွက် ထုတ်ပြန်ချက်များ ထုတ်ပြန်ပေးရုံမျှဖြင့် လုံလောက်မှုမရှိတော့ကြောင်း၊ ထိရောက်မှုရှိသော လက်တွေ့လုပ်ဆောင်ချက်များကသာ မြေပြင်တွင် ဖြစ်ပေါ်နေသော အခြေအနေကို အကာအကွယ်ပေးနိုင်မည်ဖြစ်ကြောင်း။


၃။ သံအမတ်ကြီး ဦးကျော်မိုးထွန်းက အထူးအစီရင်ခံစာတင်သွင်းသူ တစ်ဦးအနေဖြင့် ပြည်တွင်း နေရပ်စွန့်ခွာသူများအား ၎င်းတို့၏ နေအိမ်များသို့ ပြန်နိုင်ရန် နိုင်ငံတကာအသိုက်အဝန်းမှ ထိရောက်စွာ ဆောင်ရွက်နိုင်ရေးနှင့် ပြည်တွင်းနေရပ်စွန့်ခွာသူများ လိုအပ်နေသည့် ကူညီထောက်ပံ့မှုများ ပေးအပ်နိုင်မည့် နည်းလမ်းများကို ရှာဖွေနိုင်ရေးအတွက် အကြံပြုပေးပါရန် ပြောကြားခဲ့ပါသည်။


၄။ မြန်မာအမြဲတမ်းကိုယ်စားလှယ် ပြောကြားခဲ့သည့် ဆွေးနွေးချက်အပြည့်အစုံ (အင်္ဂလိပ်ဘာသာ) အား ပူးတွဲတင်ပြအပ်ပါသည်။


၂၀၂၂ ခုနှစ်၊ အောက်တိုဘာလ ၁၇ ရက်

ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ်အဖွဲ့ရုံး၊ နယူးယောက်မြို့


Please check against delivery


Intervention by Ambassador Kyaw Moe Tun, Permanent Representative of Myanmar to the United Nations

on Agenda item 68: Promotion and Protection of Human Rights

at the Interactive Dialogue with Special Rapporteur on Human Rights of Internally Displaced Persons

at the Third Committee of the 77th Session of UNGA


(New York, 17 October 2022)


Mr. Chair,


Myanmar thanks the Special Rapporteur for her report. We share the view on the importance of finding solution to leading drivers of internal displacement.


In Myanmar, the illegal military coup in February 2021 and its subsequent atrocities committed all over the country led to forced mass displacement in Myanmar. According to UN figures, over 1.3 million including more than 300,000 Rohingya are now internally displaced. Among them, more than 986,500 people have been internally displaced within last 20 months. This number includes so many women and children. They are intentionally targeted for displacement and are in very vulnerable conditions. Internally displaced persons especially women and children are facing several challenges regarding food and nutrition, hygiene, shelter to name few. Moreover, their basic rights have been repetitively violated by the military. If no decisive action is taken to the situation, they will become high risk to victims of human trafficking. Access for providing humanitarian assistance to the people in need is also a pressing challenge that we are facing.


Mr. Chair,


We are thankful for statements issued by the international community and the UN including Madam Special Raporteur. However, the deteriorating situation is warning that statements are not enough. Effective actions are needed to prevent the situations.


Madame Special Rapporteur,


I would like to ask the way in which you, as a mandate holder, can suggest the international community to be more effective enabling IDPs to return their homes, and help to find a ways and means to provide necessary assistance to those IDPs.


I thank you.


*****