Statement by Ambassador Kyaw Moe Tun, at the Open Debate of the UNSC on Women and Peace and Security in the next quarter-century: fulfilling the promise through implementation

Statement by Ambassador Kyaw Moe Tun, Permanent Representative of the

Republic of the Union of Myanmar to the United Nations, at the Open Debate of the United Nations Security Council on Women and Peace and Security in the next quarter-century: fulfilling the promise through implementation, held on 28 October 2026

[Below Myanmar Text]

သတင်းအဖြစ်ထုတ်ပြန်ချက်

အမျိုးသမီး၊ ငြိမ်းချမ်းရေးနှင့် လုံခြုံရေးအစီအစဉ်အောက်မှ “Women and Peace and Security in the next quarter-century: fulfilling the promise through implementation” ခေါင်းစဉ်ဖြင့် ကျင်းပသည့် လုံခြုံရေးကောင်စီ တံခါးဖွင့် အစည်းအဝေး၌ ကုလသမဂ္ဂဆိုင်ရာမြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းက

တရားမဝင်စစ်အာဏာသိမ်းခဲ့သည့်အချိန်မှစတင်၍ အမျိုးသမီး (၂,၃၉၁) ဦး အပါအဝင်

ပြည်သူ(၈,၆၀၀)ကျော် စစ်အုပ်စု၏ သတ်ဖြတ်ခြင်းကို ခံခဲ့ရ၊

စစ်အုပ်စုအနေဖြင့် ကုလသမဂ္ဂ အဖွဲ့ဝင်နိုင်ငံအချို့မှ ၎င်းတို့ထံသို့ လက်နက်၊ ခဲယမ်းရောင်းချနေခြင်း၊ မဆင်မခြင် ထိတွေ့ဆက်ဆံနေခြင်းတို့ကြောင့် ထိုသို့သော ရက်စက်ကြမ်းကြုတ်မှုများကို

ပံ့ပိုးမှုကောင်းကောင်းဖြင့် ပိုမိုရဲတင်းစွာ လုပ်ဆောင်နေနိုင်ခြင်းဖြစ်၊

အမျိုးသမီးများနှင့် ကလေးငယ်များ အပါအဝင် မြန်မာပြည်သူများအား ကာကွယ်နိုင်ရန် ကုလသမဂ္ဂ အဖွဲ့ဝင်နိုင်ငံအားလုံးအနေဖြင့် စစ်အုပ်စုထံသို့ လက်နက်၊ ခဲယမ်း၊ တိုက်လေယာဉ်ဆီ၊ အခြားသောစစ်ဘက်၊ အရပ်ဘက် နှစ်မျိုးသုံးပစ္စည်းများနှင့် ဆက်စပ်နည်းပညာများ

ရောင်းချတင်ပို့နေခြင်းမှ ရပ်တန့်ရန်  တောင်းဆို၊

စစ်အုပ်စုအနေဖြင့် အမျိုးသမီးများအား ခြိမ်းခြောက်ရန်နှင့် ၎င်းတို့၏ နိုင်ငံရေးပါဝင်မှုအား ချိုးနှိမ်ရန် ပဋိပက္ခအတွင်း လိင်ပိုင်းဆိုင်ရာ အကြမ်းဖက်မှု နှင့် ကျားမအခြေပြု

အကြမ်းဖက်မှုတို့အား နည်းဗျူဟာတစ်ခုအဖြစ် စနစ်တကျ အသုံးပြုလျက်ရှိ၊

လုံခြုံရေးကောင်စီအနေဖြင့် မြန်မာနိုင်ငံရှိ စစ်အုပ်စုမှ ကျူးလွန်သည့်

လူ့အခွင့်အရေး ချိုးဖောက်မှုများအတွက် တာဝန်ခံမှုရှိစေရေး အစီအမံများကို ချမှတ်နိုင်၊

ထိုသို့သော ကောင်စီ၏ ဆုံးဖြတ်ချက် ၂၆၆၉ အပေါ် အခြေခံသည့် နောက်ထပ်ဆုံးဖြတ်ချက်တစ်ခု ချမှတ်ခြင်းလည်း ပါဝင်၊ သို့မှသာ ပြစ်ဒဏ်ကင်းလွတ်ခွင့်အား ချုပ်ငြိမ်းနိုင်၍

အမျိုးသမီးများအပေါ် ချိုးဖောက်မှုများ တစ်ကျော့ပြန် ကျူးလွန်ခြင်းမှ ကာကွယ်နိုင်ကာ

နစ်နာသူများအတွက် တရားမျှတမှုသယ်ဆောင်ပေးနိုင်မည်ဖြစ်၊

အဓိက လုပ်ဆောင်ရန် ကျန်ရှိနေသည်မှာ နိုင်ငံတကာအသိုက်အဝန်း၊ အထူးသဖြင့်

ဤလုံခြုံရေးကောင်စီတို့မှ ၎င်းတို့၏ အသံများအား နားထောင်ရန်၊ ထိုမှတဆင့် ၎င်းတို့အား

ထိရောက်စွာ ပံ့ပိုးကူညီရန်နှင့် ထိရောက်စွာ အရေးယူလုပ်ဆောင်ပေးရန်တို့ပင်ဖြစ်၊

၎င်းတို့အနေဖြင့် အဆွေတော်တို့ အကူအညီ၊ ထောက်ခံပံ့ပိုးမှုလိုအပ်၊ ၎င်းတို့အပေါ် ထပ်မံ၍ ပျက်ကွက်မှုမပြုလုပ်ကြပါရန် တိုက်တွန်းပါကြောင်း ပြောကြားခဲ့

(နယူးယောက်မြို့၊ ၂၀၂၆ ခုနှစ်၊ အောက်တိုဘာလ ၂၈ ရက်)

၁။      ကုလသမဂ္ဂ၊ လုံခြုံရေးကောင်စီတွင် ၂၀၂၆ ခုနှစ်၊ အောက်တိုဘာလအတွက် ဂရိနိုင်ငံက

အလှည့်ကျဥက္ကဋ္ဌအဖြစ် တာဝန်ယူလျက်ရှိပြီး အမျိုးသမီး၊ ငြိမ်းချမ်းရေးနှင့် လုံခြုံရေးအစီအစဉ် (Women, Peace and Security Agenda) အောက်မှ “Women and Peace and Security in the next quarter-century: fulfilling the promisethrough implementation” ခေါင်းစဉ်ဖြင့် လုံခြုံရေးကောင်စီ တံခါးဖွင့် အစည်းအဝေးအား ၂၇-၁၀-၂၀၂၆ ရက်နေ့နှင့် ၂၈-၁၀-၂၀၂၆ ရက်နေ့တို့တွင် ကျင်းပ ပြုလုပ်ခဲ့ပါသည်။

၂။       အဆိုပါ အစည်းအဝေးတွင် ကုလသမဂ္ဂ အတွင်းရေးမှူးချုပ်၊ UN Women Executive Director Ms. Sima Sami Bahous နှင့် အရပ်ဘက်လူမှုအဖွဲ့အစည်းကိုယ်စားပြုအဖြစ် လူ့အခွင့် အရေး တက်ကြွလှုပ်ရှားသူ Ms. Tamana Zaryab Paryani တို့က ဆွေးနွေးသူများအဖြစ် ဆွေးနွေးခဲ့ကြပြီး ကုလသမဂ္ဂအဖွဲ့ဝင်နိုင်ငံ (၁၁၀) ကျော် တက်ရောက် မိန့်ခွန်းပြောကြားခဲ့ကြရာ ကုလသမဂ္ဂဆိုင်ရာ မြန်မာအမြဲတမ်း ကိုယ်စားလှယ်သံအမတ်ကြီး ဦးကျော်မိုးထွန်းက ၂၈-၁၀-၂၀၂၆ ရက်နေ့တွင် ကျင်းပသည့်အစည်းအဝေး ၌ တက်ရောက် မိန့်ခွန်းပြောကြားခဲ့ပါသည်။

၃။      မြန်မာအမြဲတမ်းကိုယ်စားလှယ် ပြောကြားခဲ့သည့် မိန့်ခွန်းတွင် အောက်ဖော်ပြပါအချက်များ အဓိက ပါဝင်ပါသည်-

(က)    သမိုင်းဝင်ဖြစ်သော လုံခြုံရေးကောင်စီ၏ ဆုံးဖြတ်ချက် ၁၃၂၅ အား အတည်ပြုချမှတ်ပြီး (၂၅) နှစ်ကျော်အကြာတွင် အမျိုးသမီး၊ ငြိမ်းချမ်းရေးနှင့် လုံခြုံရေးအစီအစဉ်၌ ယခင်က မတွေ့ကြုံခဲ့ဖူးသည့် စိန်ခေါ်မှုများ ဖြစ်ပေါ်လျက်ရှိသည်ကို မိမိတို့ တွေ့မြင်နေရကြောင်း၊

(ခ)     ကမ္ဘာအနှံ့တွင် အမျိုးသမီးများ၏ နိုင်ငံရေးကိုယ်စားပြုမှုအတွက် တည်ဆောက်ပုံဆိုင်ရာ အတားအဆီးများရှိနေပြီး အဓိကကျသော ခေါင်းဆောင်မှုကဏ္ဍများတွင် အမျိုးသမီးများအား ချန်လှပ်ထားခြင်း၊ အမျိုးသမီးအခွင့်အရေးများအား ဖိနှိပ်ခြင်း၊ လက်နက်ကိုင် ပဋိပက္ခများတွင် အမျိုးသမီးများနှင့် မိန်းကလေးငယ်များအပေါ်၌ အချိုးမညီမျှစွာ အကျိုးသက်ရောက်ခြင်းနှင့် လိင်ပိုင်းဆိုင်ရာနှင့် ကျားမအခြေပြုအကြမ်းဖက်မှု မြင့်တက်ခြင်းတို့  ဆက်လက်ဖြစ်ပေါ်လျက်ရှိကြောင်း၊

(ဂ)     သို့ဖြစ်ရာ နိုင်ငံရေးဆန္ဒရှိမှုအား ထပ်လောင်းအားဖြည့်ခြင်း၊ ထိရောက်စွာ လုပ်ဆောင် ခြင်း၊ တာဝန်ခံမှုနှင့် WPS Agenda အပေါ် ထားရှိသည့် ကတိကဝတ်များနှင့် အကောင်အထည်ဖော်မှုတို့အကြား ကွာဟချက်ကို ဖြည့်တင်းရန် ရေရှည်တည်တံ့သောအရင်းအမြစ်များရှိခြင်းက အလွန်အရေးပါသည်ဟု အလေးထား ပြောကြားလိုကြောင်း၊

(ဃ)    မြန်မာနိုင်ငံအနေဖြင့် ဂရိမှ ဦးဆောင်သည့် အမျိုးသမီး၊ ငြိမ်းချမ်းရေးနှင့် လုံခြုံရေး ပူးတွဲ ထုတ်ပြန်ချက် (WPS Joint Statement) ကို ပူးတွဲအဆိုရှင်အဖြစ် ပါဝင်ထောက်ခံခဲ့ပြီး ဂရိနိုင်ငံ၏ ဦးဆောင်မှုကိုလည်း အသိအမှတ်ပြုကြောင်း၊

(င)     မြန်မာနိုင်ငံတွင် ၂၀၂၁ ခုနှစ်၊ တရားမဝင် စစ်အာဏာသိမ်းခဲ့ခြင်းကြောင့် ဖြစ်ပေါ်ခဲ့သည့် လက်နက်ကိုင်ပဋိပက္ခများကို ရင်ဆိုင်နေရသည့်အားလျော်စွာ မိမိတို့အနေဖြင့် အမျိုးသမီး၊ ငြိမ်းချမ်းရေးနှင့် လုံခြုံရေးအစီအစဉ်အား လိုက်နာရေးနှင့် ၎င်းအား ပိုမိုခိုင်မာစွာ အကောင်အထည်ဖော်ရေး ကတိကဝတ်တို့ကို ထပ်လောင်းအတည်ပြုပါကြောင်း၊

(စ)     ဤတွင် မြန်မာနိုင်ငံအခြေအနေနှင့်စပ်လျဉ်း၍ အောက်ပါအချက်များကို အလေးထား ပြောကြားလိုကြောင်း -

(၁)     အမျိုးသမီးများ၏ အသက်များကို ကာကွယ်ရန် - တရားမဝင် စစ်အာဏာသိမ်းခဲ့သည့်အချိန်မှစတင်၍ အမျိုးသမီး(၂,၃၉၁) ဦးအပါအဝင် ပြည်သူ (၈,၆၀၀)ကျော် စစ်အုပ်စု၏သတ်ဖြတ်ခြင်းကို ခံ ခဲ့ရကြောင်း၊ အဆိုပါသေဆုံးသူများအနက် ၄ ပုံ ၃ ပုံခန့်မှာ စစ်အုပ်စု၏ လေကြောင်းဗုံးကျဲတိုက်ခိုက်မှုများနှင့် လက်နက်ကြီးပစ်ခတ်မှုများကြောင့် သတ်ဖြတ်ခံခဲ့ရခြင်းဖြစ်ကြောင်း၊ စစ်အုပ်စုအနေဖြင့် ကုလသမဂ္ဂအဖွဲ့ဝင်နိုင်ငံအချို့မှ၎င်းတို့ထံသို့ လက်နက်၊ ခဲယမ်းရောင်းချနေခြင်း၊ မဆင်မခြင်ထိတွေ့ဆက်ဆံနေခြင်းတို့ကြောင့် ထိုသို့သော ရက်စက်ကြမ်းကြုတ်မှုများကို ပံ့ပိုးမှုကောင်းကောင်းဖြင့် ပိုမိုရဲတင်းစွာ လုပ်ဆောင်နေနိုင်ခြင်းဖြစ်ကြောင်း၊ သို့ဖြစ်ရာ အမျိုးသမီးများနှင့် ကလေးငယ်များအပါအဝင် မြန်မာပြည်သူများအား ကာကွယ်နိုင်ရန် ကုလသမဂ္ဂ အဖွဲ့ဝင်နိုင်ငံအားလုံးအနေဖြင့် စစ်အုပ်စုထံသို့ လက်နက်၊ ခဲယမ်း၊ တိုက်လေယာဉ်ဆီ၊ အခြားသော စစ်ဘက်၊ အရပ်ဘက် နှစ်မျိုးသုံးပစ္စည်းများနှင့် ဆက်စပ်နည်းပညာများ ရောင်းချတင်ပို့နေခြင်းမှ ရပ်တန့်ရန်  တောင်းဆိုကြောင်း၊

(၂)      အမျိုးသမီးများအတွက် လူမှုရပ်ဝန်း ထိန်းသိမ်းပေးရန် - အနည်းဆုံး အမျိုးသမီး (၆,၆၅၉) ဦးခန့်မှာ နိုင်ငံရေးအကြောင်းပြချက်ဖြင့် တရားမဝင် စစ်အာဏာသိမ်းချိန်မှစ၍ ဥပဒေမဲ့တရား လက်လွတ် ဖမ်းဆီးထိန်းသိမ်းထားခံရကြောင်း၊ မြန်မာ နိုင်ငံအတွင်းရှိ လူမှုရပ်ဝန်းသည် စစ်အုပ်စုမှ ချမှတ်သော ကန့်သတ်မှုမူဝါဒစည်းမျဉ်းများနှင့် စောင့်ကြည့်မှုမြင့်တက်နေခြင်းတို့ကြောင်း သိသိသာသာ ပျက်စီး ဆုတ်ယုတ်ခဲ့ကြောင်း၊ Access Now ၏ နှစ်စဉ်အစီရင်ခံစာအရ မြန်မာနိုင်ငံတွင် ၂၀၂၅ ခုနှစ် တစ်နှစ်တည်းလျှင် အင်တာနက်ဖြတ်တောက်မှု(၉၅) ကြိမ်အထိ ရှိခဲ့ပြီး ယင်းမှာ အခြားမည်သည့်နိုင်ငံထက်မဆို အမြင့်မားဆုံးသော မှတ်တမ်းတစ်ခု ဖြစ်ကြောင်း၊ မြန်မာနိုင်ငံတွင် လူ့အခွင့်အရေးနှင့် အမျိုးသမီးများ၏ အခြေခံလွတ်လပ်ခွင့်များအား ပြန်လည်အသက်သွင်းနိုင်ရန်  ဒီမိုကရေစီစံနှုန်းများ၊ အဆောက်အဦများနှင့် တရားဥပဒေစိုးမိုးရေးတို့အား ပြန်လည်အသက်သွင်းရန် လိုအပ်ကြောင်း၊

(၃)     အမျိုးသမီးများအပေါ် ချိုးဖောက်မှုများ တစ်ကျော့ပြန်ဖြစ်ပေါ်ခြင်းမှ ကာကွယ်ရန်- စစ်အုပ်စုအနေဖြင့် အမျိုးသမီးများအားခြိမ်းခြောက်ရန်နှင့် ၎င်းတို့၏နိုင်ငံရေးပါဝင်မှုအား ချိုးနှိမ်ရန် ပဋိပက္ခအတွင်း လိင်ပိုင်းဆိုင်ရာ အကြမ်းဖက်မှုနှင့် ကျားမ အခြေပြုအကြမ်းဖက်မှုတို့အား နည်းဗျူဟာတစ်ခုအဖြစ် စနစ်တကျအသုံးပြုလျက်ရှိကြောင်း၊ စုဆောင်းရရှိထားသည့် သက်သေအထောက်အထား မှတ်တမ်းများတွင် စစ်အုပ်စုမှ ၎င်းတို့၏ မြေပြင်စစ်ဆင်ရေးများ၊ ကျေးရွာများအား မီးရှို့ဖျက်ဆီးခြင်း၊ စစ်ဆေးရေးဂိတ်များနှင့် ထိန်းသိမ်းရေးစခန်းများတွင် အဓမ္မပြုကျင့်ခြင်း၊ အုပ်စုလိုက်အဓမ္မပြုကျင့်ခြင်း၊ လိင်ကျေးကျွန်ပြုခြင်းနှင့် အခြားသော လိင်ပိုင်းဆိုင်ရာအကြမ်းဖက်မှုမျိုးစုံကို ကျူးလွန်မှုများ ပါဝင်ကြောင်း၊ သို့ဖြစ်ရာ လုံခြုံရေးကောင်စီအနေဖြင့် မြန်မာနိုင်ငံရှိ စစ်အုပ်စုမှ ကျူးလွန်သည့် လူ့အခွင့် အရေးချိုးဖောက်မှုများအတွက် တာဝန်ခံမှုရှိစေရေး အစီအမံများကို ချမှတ်နိုင်ကြောင်း၊ ထိုသို့သောအစီအမံများကို ၂၀၂၂ ခုနှစ်၌ အတည်ပြုချမှတ်ခဲ့သည့် ကောင်စီ၏ဆုံးဖြတ်ချက် ၂၆၆၉ အပေါ် အခြေခံသည့် နောက်ထပ်ဆုံးဖြတ်ချက်တစ်ခု ချမှတ်ခြင်းလည်းပါဝင်ကြောင်း၊ သို့မှသာ ပြစ်ဒဏ်ကင်းလွတ်ခွင့်အား ချုပ်ငြိမ်းနိုင်၍ အမျိုးသမီးများအပေါ် ချိုးဖောက်မှုများ တစ်ကျော့ပြန် ကျူးလွန်ခြင်းမှ ကာကွယ်နိုင်ကာ နစ်နာသူများအတွက် တရားမျှတမှု သယ်ဆောင်ပေးနိုင်မည်ဖြစ်ကြောင်း၊

(၄)     ငြိမ်းချမ်းရေးလုပ်ငန်းစဉ်များတွင် အမျိုးသမီးများ၏ပါဝင်မှုအား မြှင့်တင်အားပေးရန် - ကုလသမဂ္ဂအတွင်းရေးမှူးချုပ်၏ အစီရင်ခံစာတွင် စစ်အုပ်စု ထိန်းချုပ်သည့် အတုအယောင်ရွေးကောက်ပွဲများသည် မြန်မာနိုင်ငံ၌ အမျိုးသမီးများ နိုင်ငံရေးတွင် ပါဝင်နိုင်ရေးအတွက် စိတ်ချယုံကြည်ရသော အခွင့်အရေးများ ပေးအပ်ထားခြင်းမရှိဘဲ အမျိုးသားများ လွှမ်းမိုးထိန်းချုပ်သည့် နိုင်ငံရေးစနစ်ကိုသာ ပိုမို ခိုင်မာအောင် လုပ်ဆောင်ထားသည်ဟု ဖော်ပြထားကြောင်း၊ မြန်မာနိုင်ငံတွင် အမျိုးသမီးများမှ ငြိမ်းချမ်းရေးနှင့် နိုင်ငံရေးလုပ်ငန်းစဉ်များ၌ အပြည့်အဝ၊ တန်းတူညီတူနှင့် အဓိပ္ပါယ်ပြည့်ဝ၍ ဘေးကင်းလုံခြုံစွာပါဝင်နိုင်ရန် စစ်အာဏာရှင်စနစ်အား အပြီးတိုင် ပပျောက်စေ၍ ဖက်ဒရယ်ဒီမိုကရေစီပြည်ထောင်စုတည်ထောင်နိုင်ရန်လိုအပ်ကြောင်း၊ အမျိုးသားညီညွတ်ရေးအစိုးရ နှင့် မိတ်ဖက်ဒီမိုကရေစီအင်အားစုများအနေဖြင့် ဖက်ဒရယ်ဒီမိုကရေစီပြည်ထောင်စု ပေါ်ထွန်းရေး ဦးဆောင်ကောင်စီအား တည်ထောင်ထားပြီး ဖြစ်ကြောင်း၊ အဆိုပါကောင်စီတွင် စစ်အာဏာရှင်စနစ်အပါအဝင် အာဏာရှင်စနစ်အားလုံးအား အလုံးစုံတိုက်ဖျက်နိုင်ရေးအတွက် အမျိုးသမီး ကိုယ်စားပြုမှု မဏ္ဍိုင်ကိုလည်း ထည့်သွင်းထားကြောင်း၊

(၅)     အမျိုးသမီးများအတွက် ထိရောက်မှုရှိ၍ လျော်ကန်သောပံ့ပိုးကူညီမှုများ ပေးအပ်ရန် ကတိပြုရေး - မြန်မာနိုင်ငံရှိ ရဲရင့်သန်မာသော အမျိုးသမီး ခေါင်းဆောင်များအတွက် လုံလောက်သော အရင်း အမြစ်နှင့် ဘဏ္ဍာရေးဆိုင်ရာ ထောက်ပံ့မှုများ မပေးအပ်ပါဘဲ WPS Agenda အား ရေရှည်တည်တံ့စွာ ဖော်ဆောင်နိုင်မည် မဟုတ်ကြောင်း၊

(ဆ)    သို့ဖြစ်ပါ၍ မိမိအနေဖြင့် နိုင်ငံတကာအသိုက်အဝန်းနှင့်အလှူရှင်နိုင်ငံများအား အမျိုးသမီး အရပ်ဘက်လူမှုအဖွဲ့အစည်းများ၊ လူ့အခွင့်အရေးကာကွယ်စောင့်ရှောက်သူများနှင့် ရှေ့တန်းမှ ငြိမ်းချမ်းရေး တည်ဆောက်သူများထံသို့ လိုက်လျောညီထွေမှုရှိသော၊ ကြိုတင်မှန်းဆနိုင်သော ရန်ပုံငွေများကို တိုက်ရိုက်ထောက်ပံ့ပေးရန် တိုက်တွန်းလိုကြောင်း၊

(ဇ)     ထို့နည်းတူ ပဋိပက္ခအတွင်း လိင်ပိုင်းဆိုင်ရာ အကြမ်းဖက်မှုနှင့် ကျားမအခြေပြု အကြမ်းဖက်မှုတို့ ခံစားခဲ့ရသည့် အသက်ရှင်ကျန်ရစ်သူများကိုလည်း ဘက်စုံပြည့်ဝသည့် စိတ်ပိုင်းနှင့် စိတ်လူမှုရေးဆိုင်ရာ အထောက်အပံ့များ ပေးအပ်ရန် တောင်းဆိုလိုကြောင်း၊

(ဈ)     မြန်မာနိုင်ငံမှ အမျိုးမျိုးသော နောက်ခံသမိုင်းကြောင်းများ၊ အသက်အရွယ်အပိုင်းအခြားများ၊ တိုင်းရင်းသားလူမျိုးနှင့် ဘဝအစုံမှအမျိုးသမီးများအနေဖြင့် ၎င်းတို့၏အသက်အိုးအိမ်အားကာကွယ် စောင့်ရှောက်ရန်၊ အသိုက်အဝန်းများအားကာကွယ်ရန်နှင့် WPS Agenda အားအကောင်အထည်ဖော်ဆောင်ရွက်ရန် ကိုယ်စွမ်းဉာဏ်စွမ်းရှိသရွေ့ကြိုးပမ်းလျက်ရှိကြောင်း၊

(ည)    မြန်မာနိုင်ငံတွင် ဖြစ်ပွားနေသည့် ပဋိပက္ခ၏ အဓိကဇစ်မြစ်ကို ဖြေရှင်းရန်နှင့် WPS Agenda အားမြှင့်တင်ရန်အတွက် လုပ်ဆောင်ရမည့်နည်းလမ်းများနှင့်စပ်လျဉ်း၍  ၎င်းတို့၏ တောင်းဆိုမှုများ သည် ရှင်းလင်းပြတ်သားကြောင်း၊

(ဋ)     အဓိက လုပ်ဆောင်ရန် ကျန်ရှိနေသည်မှာ နိုင်ငံတကာအသိုက်အဝန်း၊ အထူးသဖြင့် ဤ လုံခြုံရေးကောင်စီတို့မှ ၎င်းတို့၏အသံများအား နားထောင်ရန်၊ ထိုမှတဆင့် ၎င်းတို့အား ထိရောက်စွာ ပံ့ပိုးကူညီရန်နှင့် ထိရောက်စွာ အရေးယူလုပ်ဆောင်ပေးရန်တို့ပင် ဖြစ်ပါတော့ကြောင်း၊

(ဌ)     ၎င်းတို့အနေဖြင့် အဆွေတော်တို့အကူအညီ၊ ထောက်ခံပံ့ပိုးမှု လိုအပ်ပါကြောင်း၊ ၎င်းတို့ အပေါ် ထပ်မံ၍ ပျက်ကွက်မှု မပြုလုပ်ကြပါရန် တိုက်တွန်းပါကြောင်း။

၄။      မြန်မာအမြဲတမ်းကိုယ်စားလှယ်ပြောကြားခဲ့သည့် မိန့်ခွန်းအပြည့်အစုံ (အင်္ဂလိပ်ဘာသာ) အား ပူးတွဲ ဖော်ပြအပ်ပါသည်။

၂၀၂၆ ခုနှစ်၊ အောက်တိုဘာလ ၂၈ ရက်

ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ်အဖွဲ့ရုံး၊ နယူးယောက်မြို့

Please check against delivery

Statement by Ambassador Kyaw Moe Tun, Permanent Representative of the

Republic of the Union of Myanmar to the United Nations,

at the Open Debate of the United Nations Security Council

on Women and Peace and Security

in the next quarter-century: fulfilling the promise through implementation

(New York, 28 October 2026)

Mr. President,

At the outset, I wish to congratulate Greece on assuming the Presidency this month and express our appreciation to you for convening this open debate.

I also thank the Secretary-General, the Executive Director of UN-Women and a civil society briefer for their remarks.

Mr. President,

Over a quarter-century since the adoption of the landmark Security Council resolution 1325, we are witnessing unprecedent challenges in the Women, Peace and Security (WPS) agenda.

Structural barriers to women’s political representation, exclusion of women in key leadership roles, repression of women rights, disproportionate impacts of armed conflict on women and girls, and rising levels of sexual and gender-based violence continue to persist worldwide.

Against this backdrop, Myanmar underscores the importance of renewed political will, effective actions, accountability and sustained resources to bridge the gap between commitments to the WPS agenda and its implementation.

Mr. President,

Myanmar joined the WPS Joint Statement initiated by Greece, and commend your leadership in this regard.

As a country undergoing armed conflict instigated by the military coup in 2021, Myanmar reaffirms our commitment to uphold the WPS agenda and strengthen its implementation.

In this regard, I wish to underscore the following points in the context of Myanmar.

First, protect the lives of women– more than 8,600 people, including 2,391 women have been murdered by the military since the coup. Around three-quarters of the women were killed in the military’s airstrikes and heavy weaponry fire.

Unfortunately, these atrocities are enabled, facilitated and emboldened by the transfer of arms and weapons by some Member States to the military junta as well as by their hasty and unwarranted engagements with the junta.

Therefore, I appeal to all Member States to cut the flow of arms, weapons, jet fuel, other dual-use items and related technologies to the military junta to protect the people of Myanmar, including women and children.

Second, preserve civic space for women– at least, 6,659 women have been arbitrarily arrested on political grounds since the military coup.

The imposition of restrictive policies and  heightened surveillance by the junta has sharply deteriorated civic space in the country. The annual report by Access Now recorded 95 recorded Internet shutdowns in 2025 in Myanmar, the most of any country.

Restoration of human rights and fundamental freedoms of women requires restoration of democratic norms, instiutions and rule of law in the country.

Third, prevent recurrence of violations against women – the military junta has systematically used conflict-related sexual violence (CRSV) and gender-based violence (GBV) as a deliberate tactic to intimidate women and repress their political participation.

Documented cases include rape, gang rape, sexual slavery, and other forms of sexual violence perpetrated by the military during ground operations, village raids, at checkpoints and in detention setting.

The Council can, therefore, enforce accountability measures for human rights violations committed by the military in Myanmar, including a follow-up resolution to the SCR 2669 (2022), to address impunity, prevent recurrence of violations against women and achieve justice for victims.

Fourth, promote participation of women in peace processes – the Secretary-General stressed in his report that the military-controlled sham elections offered no credible pathway for women’s political inclusion and further entrenched male-dominated political structures in Myanmar.

Women’s full, equal, meaningful and safe participation in peace and political processes is contingent upon the eradication of military dictatorship and building a federal democratic union.

The National Unity Government (NUG) and allied democratic forces have established the Steering Council for the Emergence of a Federal Democratic Union (SCEF), with the inclusion of the pillar representing women, to completely dismantle all forms of dictatorship, including the military dictatorship.

Last but not least, pledge effective and appropriate support to women – the WPS agenda cannot be sustained without adequate resources and funding to our courageous women leaders in Myanmar.

I urge the international community and donor countries to provide direct, flexible and predictable financing to women civil society organizations, human rights defenders and front-line peacebuilders.

At the same time, comprehensive mental and psychosocial support should be extended to survivors of CRSV and GBV.

In conclusion, Mr. President, women of Myanmar across different backgrounds, ages, ethnicities and all walks of life are doing their parts to safeguard their lives, protect their communities and implement the WPS agenda.

Their voices are loud and clear about what needs to be done to address the root cause of the conflict in Myanmar and ultimately advance the WPS agenda.

It is up to the international community, particularly the Security Council, to listen to their voices, support them effectively, and take effective action immediately.

They need you. They need your support. Please do not fail them anymore.

I thank you.

*****